Nagpapasalamat ako at nakauwi kami ni Marco ng maayos, kaya lang nagmamadali rin naman umalis ito.
"Hay! Bahala ka nga, basta ako nakauwi na maayos."
Paakyat na ako ng hagdan nang makasalubong ko si Lucy.
"Buhay ka pa pala? Sana'y natamaan ka na lang ng bala, nang wala na akong nakikitang sagabal sa aking daraanan," galit na bulalas ni Lucy.
Napakunot-noo ako sa mga sinabi nito. Bakit kaya alam nito na may nagpasabog sa kotse ni Marco at napalaban nang husto ang mga tauhan ni Mr. Clayton. Paano kaya niya nalaman. Samantalang hindi naman pumasok dito sa loob ng bahay ang lalaki.
Hindi na lamang ako nagsalita sa mga sinabi niya para wala nang mahabang usapan pa, lalo at gusto ko rin magpahinga sa mga sandaling ito, siguro'y bukas na lang ako kakain.
Binangga pa nga ang balikat ko ni L
