OH crap. Bistado na ako ni Nana. Kung paano ay hindi ko rin alam. Baka mahilig talaga s'yang manood ng tv at mga pelikula ko. Do I deny it? Pwede ko naman sabihin na nagkakamali s'ya at nakakahawig ko lang si Atlas. But I feel bad lying to her, mabait s'ya sa akin.
"Nana.."
"Huwag kang mag-alala, hindi ko sasabihin sa iba," ngumiti s'ya sa akin at kinapitan ang kamay ko.
Napayuko ako. "Pasens'ya na po, Nana. Hindi ko po gustong magsinungaling pero kailangan po kasi, may humahabol sa akin."
"Habang naririto ka sa rancho ay walang makakahanap sa 'yo. Huwag ka na lang pumunta sa bayan muna at magpalamig ka rito."
"Baka po magalit si Ares."
"Gusto mo bang sabihin sa kanya na ikaw si Atlas?" Ang mga mata ni Nana ay nanunudyo.
"Nana naman eh," napangiwi ako.
"O bakit? Hindi ba sabi n'ya,
