“Ay, hi! Good morning po, ma’am!” Mukhang gulat na gulat pa si Gerry nang mabungaran ako na pumasok sa store.
“Mukhang napasarap po ang bakasyon, ah?” Inihinto niya saglit ang pag-mop ng sahig para makipagbiruan sa akin.
“Aga mo ah?” Sa halip ay sagot ko habang nagtuloy-tuloy ang lakad papunta sa opisina. Nakasunod naman sa akin si Gerry na ginagawang tungkod ‘yong mop.
“Ay grabe, wala mang lang good morning?” Siya na ang nagbukas ng pinto ng opisina habang nginingisian ako.
Napailing na lang ako, napapatawa na rin. Ang aga-aga, ang kulit ng isang ito. “Morning. Ang aga mo nga?”
Umupo ako sa swivel chair, binuksan na rin iyong computer. Maaga pa naman, mag-check na lang siguro muna ako ng CCTV.
“Siyempre, ma’am… lapit na evaluation, e.” Pagkatapos ay natatawa siyang napakamot sa ul
