My weird cravings continued as times go by. Kung ano-ano na lang ang hinahanap ng panlasa ko, minsan ay nagtataka na ako dahil ‘yong hindi ko naman kinakain ay ang siyang hinahanap ng bibig ko. At naiinis ako kapag hindi ko siya makakakain. Pakiramdam ko ay ang laki nang nawawala sa akin kapag ganoon ang nangyayari.
Katulad na lang noong isang gabi, nakapanood lang ako ng nag-mu-mukbang ng balot ay parang gusto ko na rin kainin iyon. Kaya naman kahit gabi na ay nag-order pa ako, since ayaw kong lumabas dahil tinatamad ako. Mabuti na lang mayroon na ring nagbebenta noon online. Wala naman kasing dumadaan malapit doon sa unit namin. Tapos noong nasa harap ko na, tumikim lang ako ng sabaw, pero noong makita ko na ‘yong sisiw ay parang bumaliktad ang sikmura ko. Nakailang balik ako sa banyo p
