Nangangalay ang aking leeg at batok sa buong araw na nakakapagod na duty. Gabi na akong nakauwi dahil hinintay ko pang matapos ayusin ‘yong exhaust fan sa store, hindi naman pwedeng iwan ‘yon nang walang tumitingin habang ginagawa. Ang iba kasi ay may kani-kaniyang pupuntahan kaya nauna nang umuwi sa akin.
Tahimik na ang buong hallway habang naglalakad ako papunta sa aking unit na nasa bandang dulo pa. Napapahikab ako sa bawat hakbang ng paa, gusto ko nang makapagpahinga tapos lantakan itong chicharon bulaklak na binili ko habang nasa daan. Pagkatapos ay matutulog nang mahimbing habang yakap ‘yong malambot kong unan. Ah! I’m so tired!
Bukas ay day-off ko, siguradong susulitin ko ‘yon. Matutulog ako maghapon at kakain na rin nang masarap.
Namumungay na ang mga mata ko habang pinipindot
