DENIZ P.O.V
Pasara na ang mga ilaw ng opisina, at tahimik na ang paligid habang lumalabas na ako ng building. Pagod na pagod na ako mula sa mga nangyari ngayong araw. Ang bigat ng bawat hakbang ko, parang gusto ko na lang umuwi at magpahinga, pero alam kong bukas na naman ay kailangan kong harapin ang bagong araw na may bagong pagsubok.
Pero bago pa man ako makalabas ng pinto ng building, narinig ko ang mga yabag ng sapatos na papalapit sa akin. Nilingon ko kung sino iyon, at nakita ko ang assistant ko na si Erica, hingal na hingal habang tumatakbo papunta sa akin.
"Ma'am Deniz, wait!" sigaw niya, at napahinto ako. Inis na inis na talaga ako dahil tapos na ang trabaho ko, pero alam kong may mahalagang sasabihin si Erica kaya pinigilan ko ang sarili ko na sumimangot.
"Ano 'yon, Erica?"
