DENIZ P.O.V
Habang naglalakad ako sa hallway ng building, ramdam ko ang bigat ng bawat hakbang ko. Hindi ko mapigilang isipin ang lahat ng nangyari ngayong araw. Mula sa pagkikita ko sa bagong CEO, hanggang sa pagkakaroon ng mga bagong trainees na kailangang i-train, parang lahat na lang yata ng bagay ay pumapatong sa balikat ko. Gusto ko na lang umuwi, humiga sa kama, at kalimutan ang lahat. Pero hindi puwede. Hindi ako puwedeng magpatalo sa ganitong klaseng sitwasyon.
Habang malalim ang iniisip ko, bigla kong naramdaman ang isang kakaibang presensya sa paligid. Alam mo 'yung pakiramdam na parang may nakatingin sa'yo mula sa malayo? Iyon mismo ang naramdaman ko. Kinilabutan ako. Dahan-dahan akong tumigil sa paglalakad at tumingin sa paligid.
Pagtingin ko sa kaliwa, doon ko siya nakita—
