Habang inaalis ni Aize ang mga gamit niya sa kwartong inukupa niya noong una ay nagkukwentuhan sila ni Izzy. Inilalagay muna niya iyon sa kanyang maleta, bago ilipat sa kwarto ni Cy, para hindi na rin siya magpabalik-balik.
Sa totoo lang ay namiss niya si Izzy. Saglit lang niya itong nakausap noong makauwi siya. Pagkabalik kasi niya ng bansa matapos ang ilang taong pag-aaral sa ibang bansa ay hindi man lang sila nakapagbonding ng maayos ni Zizi. Dahil ipinadala siya kaagad ng daddy niya doon sa probinsya.
Pasaway kasi talaga siya. Kung siya ang nasa sitwasyon ng daddy niya noon, talagang kagagalitan din niya ang kanyang anak. Isang buntong hininga pa ang kanyang pinakawalan bago muling tinitigan si Zizi.
"Kumusta naman ang pagiging guro Zizi? Nakakatuwa na matupad mo ang pangarap mo. N
