Buntis ako. Iyon ang totoo na hindi ko na mababago. Kaya galit na galit sina Lola dahil feeling nila ay sira na ang kinabukasan ko. No. Hindi sira ang kinabukasan ko. Buntis ako, pero walang pangarap na nasira. Magiging guro pa ako, matutupad ko pa sa kanila ang pangakong binitiwan ko na bibigyan ko sila nang magandang buhay sa labas ng hacienda.
Habang nagkukulong sa kwarto ay sinubukan kong gamitin ang phone ni Storm at tinawagan ko ito.
Parang naka-50 na tawag na, pero wala pa ring sagot mula sa lalaki.
Nag-message na rin ako sa lalaki. Napakaraming message na nga, eh.
"Storm, please naman. Sagutin mo ang tawag ko. Kailangan nating mag-usap."
"Nasaan ka na?"
"Punta ka rito sa bahay. Kailangan nating mag-usap."
"Storm."
"Busy ka ba? Let's talk."
"Please."
Sa dami ng mensahe ay
