"Storm." Pagod ang tinig na tawag ko sa lalaki. Agad itong tumayo at tumalon para lang salubungin ako. Nakarating na ako rito sa falls, pagkatapos kong umuwi sa bahay at gawin ang lahat ng mga kailangan kong gawin ay nagpasya akong puntahan na ang falls.
Inabutan ko itong matiyagang naghihintay. Pagod ako, pero parang nawala ang lahat ng iyon nang mapansin ko ang hawak nito.
Iniabot n'ya sa akin ang bouquet of flowers na halata namang mamahalin sa ayos pa lang at sa uri ng mga bulaklak na naroon.
"Para saan ito? Bakit may pabulaklak?" takang tanong ko rito.
"Para sa 'yo. Alam kong deserve mo ng magandang bulaklak."
"Tiyak mahal ito---"
"Kung nakakabawas naman sa pagod mo sa araw na ito. Walang mahal-mahal para sa akin." Napayuko ako sa mga bulaklak. Saka gumuhit ang ngiti sa labi
