"Andeng, salamat talaga!" ani ko sa babae na tulad ko'y hindi rin magkandaugaga sa pagbuhat ng mga dalahin ko patungo sa San Ildefonso Maligaya HS.
Final demo ko ngayon. Madilim pa lang ay bumyahe na ako kasama ang kaibigan ko na maaga ring gumayak para hindi na n'ya kailangan bumalik pa sa bahay nila.
Kung si Storm ay tinulungan ako sa mga visual materials ko, si Andeng at Silong naman ay tinulungan ako kagabi na mag-practice.
Si Silong din ang nagprisinta na magluto ng saging at kamote na buhat ko naman ang lalagyan ngayon. Good luck na lang kay Ma'am Joleng na may sagot sa lasagna at soft drinks. Masama ang pumatol. Sorry po, Lord.
"For sure ikaw ang magbe-best in demo teaching." Bulong ni Andeng sa akin.
"Gagalingan ko, Andeng."
"Ganyan! Alam kong kaya mo iyan." Nakarating kami s
