Linggo ay pahinga lang sa bahay. Si Tata Simo ang nagbantay sa dalawang bata ng umaga. Hapon ay si Lola naman ang nakipag-bonding. Pagsapit ng gabi ay bagsak na ang mga makukulit at naghihilik pa. Nauna na silang naghapunan. Kaya naman kaming tatlo na lang ang ngayon ay naghahapunan.
Ako, si Andeng, at si Lola.
"Baka isang linggo na naman na roon lang ako sa mansion ng mga Aiden, Anais. Kung may kailangan kayo ay puntahan n'yo lang ako roon." Bilin nito habang sige ang kain namin ni Andeng.
"Opo, la." Sagot ko habang sa plato ang tingin.
"La, nagtataka lang ako. Bakit iyong isang Aiden ilang taong hindi nagawi rito sa hacienda. Iyong mag-asawa at bunso lang ang umuwi rito sa hacienda. Tapos ngayon kumpleto sila."
"Iyong panganay kasi'y bali-balitang siya na ang namuno sa mga negosyo n
