"Ma, bakit sila may papa?" tanong ni Tempest sa akin. Bumili ng ice cream si Elio at Andeng. Naiwan kami sa isang bench na nasa lilim ng puno. Itinuro ni Tempest ang mga batang nakikipaghabulan sa kanilang ama. "Bakit kami ni Elio... wala? Dahil ba makulit kami?"
"Hindi, anak. Si Papa Silong ay maagang kinuha ni Lord."
"Bakit maaga? Bakit hindi n'ya kami hinintay? Sayang. Maglalaro pa sana kami katulad nila. Habulan. Taya-tayaan. Pati saksak puso tulo ang dugo."
Sa totoo lang, napakainosente nitong tinatanong at sinasabi iyon. Pero parang pinipiga ang puso ko sa tanong na iyon ng anak ko. Pero alam ko namang darating ang panahon na magtatanong ito. Ito na iyong panahon na iyon. Unfortunately, hindi ko pa kayang sagutin.
"Hindi ba't na kwento na namin ni Mama Andeng sa inyo. Nahulog sa
