Hindi ako kinikibo ni Lola. Ramdam ko ang cold treatment at silent treatment nito sa akin. Kahit gusto kong kausapin ito ay para lang akong tanga na lumalapit pero iniiwasan nito.
Libing na bukas ni Silong. Wala pa ring nakakaalam ng sekreto namin ni Andeng kung 'di kami lang dalawa.
"Anais, may iniuwi kaming prutas." Tawag ni Lolo sa akin. Bumaling ako sa matandang lalaki at ngumiti rito. Lumapit ako sa mesa at tinignan ang laman ng plastic na inilapag nito roon. May saging at mansanas.
"Apo, nag-advance kami ng Lola mo. Iyon sanang pamalengke para rito sa kubo ay napakialaman pala ng mama mo. Walang nabili kahit isa sa ibinilin namin sa kanya na bilhin n'ya. Itong pera na ito ay gamitin mo sa pamalengke. Kaya mo ba?"
"Oo naman po, lo. Ako na pong bahalang mamalengke."
"Sige. Hindi k
