NASERMUNAN ni Matilda St. Clair si Jella sa bigla niyang pagkawala sa homecoming party niya dalawang gabi na ang nakararaan. Mabuti na lang at sa telepono lang sila nag-usap, mas natiis niyang makinig hanggang sa ang may-edad na babae na ang nagsawang sermunan siya. Hindi na lang talaga niya natiis pang manatili at makipag-plastikan sa mga bisita ng gabing iyon. Kahit noon ay hindi siya magaling sa ganoon. Iyong makikipagngitian sa kung sino kahit alam naman niyang iba ang sinasabi ng mga ito kapag nakatalikod na siya.
“Nawala ka na kasama ng isang lalaki. Ano sa tingin mo ang naging usap-usapan pagkatapos ninyong mawala?” biglang sabi ni Matilda.
Napailing si Jella. “Masyadong maraming oras ang mga babae sa alta-sosyedad kaya kung anu-ano na lang ang naiis
