Magkatabi kami ni Fionah na nakahiga sa kama habang habol ang aming hininga. Pagkatapos ng mga sinabi ko sa kanya ay sa kama kami humantong. We made love at paulit-ulit kong pinadama sa kanya ang aking wagas na pagmamahal.
Wala kaming imik habang nakayakap kami sa isa't isa. Walang nais magbukas ng usapan dahil ang puso at katawan namin ang gusto naming magkaunawaan.
Siya na nakatulala sa kisame at malalim ang iniisip. Ako naman na nakatulala sa kanya at nananalangin ng taimtim na sana ay makabuo kami ng kapatid ni Zion.
Gusto ko na siyang ipakita kay Zion ngunit ang dami ko pang dapat na ayusin. Takot din akong muling mabigo kapag hindi niya ito naalala.
Uunahin ko si Shayne bukas dahil ito ang araw ng dating niya. Dapat ko siyang makausap bukas dahil gusto kong ihuli sina Papa at Mam
