"Bakit hindi tayo magsumbong sa pulis, Ziel?"
Sumimsim muna ako ng alak sa hawak kong baso bago ko sinagot ang tanong ni Nico.
"Ano ang isusumbong natin sa presinto, dude? Buhay si Fionah at maayos, ano ang kasong isasampa ko kay Xenon?"
"Sabihin natin na siya ang salarin sa pagkakaaksidente ng pinsan ko!" gigil na sabi ni Nico. Mahigpit ang hawak nito sa kopita ng alak at nag-aalala tuloy ako na baka mabasag iyon sa palad niya.
Narito kami sa kanila. Dito sa may bandang swimming pool na lagi naming tambayan kapag naisipan naming uminom. Okay naman kay Tito Nicholo at Tita Dolly na mag-inom kami basta h'wag lang sobra.
Kanina pa nila ako sinasabihan at kinukulit ni Dream na ipagbigay alam sa pulis ang ginawa ni Xenon kay Fionah.
Pero ano'ng sasabihin namin sa presinto? Na siya ang ma
