Pinagmasdan ko ang baso ng kape na nasa harapan ko at bumuntong hininga. Mataman akong pinagmasdan ni Yumi tapos ay napailing.
“Wala pa ba talaga?” tanong niya, alam kong ang tinutukoy niya ay kung may laman na ang tiyan ko. Umiling naman ako at mapait na ngumiti.
“Hindi ko maintindihan, ang tagal na naming sinusubukan pero wala pa rin. Hindi kaya isa sa amin may problema?” tanong ko sa kanya, alam ko na naitanong ko na ito ng ilang ulit sa kanya at ilang ulit na naming napagusapan pero hindi ko maiwasan na hindi ulitin.
Natatakot ako. Sa totoo lang ay nakakatakot ang ideya na hindi kayo magkaroon ng anak ng asawa mo, walang may alam kung ano ang kahahantungan ng isang relasyon na alam mong kulang, hindi mabubuo ang isang pamilya na walang anak.
“Don’t say that, baka naman hindi pa tal
