Kinagabihan matapos naming maghapunan ay kinausap kaming tatlo ni Nanay.
Hindi ko alam kung tungkol saan pero pinatigil niya muna kami sa aming mga ginagawa at pinaupo sa bawat silya.
Nagtataka man ako kung bakit pero hinintay ko na lang si Nanay na magsimulang magsalita.
Mukhang importante yata ang sadya niya dahil kaming tatlo talaga ang kinausap niya.
Pati si Hydee ay wala ring ideya. Nang tingnan ko si Shawn ay mukha rin namang wala siyang alam kahit na madalas silang nag-uusap ni Nanay.
Tinanong ko ito gamit lang ang aking mga mata ngunit kibit balikat lang ang naging tugon nito sa akin.
"Mga anak nakapagpasya na ako. Pumapayag na ako sa hiling mong magtrabaho, Elyse." Panimula ni Nanay habang nakatingin sa akin. "Isa pa mas tahimik na ngayon ang syudad dahil sa bagong mayor
