"Namatay ang nanay mo na wala akong nagawa. Ang sakit para sa akin na magsinungaling sa 'yo, Elyse. Hindi madali para sa akin 'to… at nakokonsensya ako sa tuwing tinatanong mo ako noon sa babaeng tumatawag sa 'yong pangalan. Gustong-gusto ko ng sabihin sa iyo na nanay mo siya. Na ang nanay mo ang pinakamabait na taong nakilala ko pero wala akong lakas na loob," mahabang salaysay ng ina.
Umiiyak pa rin at kahit na nahihirapan ng magsalita ay nagpapatuloy pa rin.
"Natakot lang ako na baka magtanong ka sa akin at hindi mo pa kayang tanggapin ang katotohanan sa pagkatao mo, anak. Kung nabubuhay lang ang nanay mo ngayon sigurado akong alam niya kung ano ang dapat gawin. Hindi na sana tayo nahihirapan ngayon dahil alam kong hindi ka niya pababayaan kahit pa kakaiba ka sa iba," patuloy niyang
