Bumuntong hininga si Nanay at napahilamos sa kaniyang mukha at mabilis na pinahinto si Shawn sa kaniyang paglalakad.
"Shawn, manatili ka muna rito. Ikaw ay parte na ng pamilya at may tiwala ako sa 'yo. Alam kong marami ka ng alam tungkol sa mga demonyo dahil apo ka ng isang beteranong manggagamot." Pigil ni Nanay kay Shawn kaya sa akin ito tumingin.
Humihingi ito ng pahintulot sa akin at kahit na wala akong sinagot ay naiintindihan naman niya kaagad ang gusto kong iparating.
Tama nga naman si Nanay. Hindi na magugulat si Shawn sa mga nangyayari sa buhay ko dahil siya mismo ang gumamot sa akin.
Hindi ko man naidetalye sa kaniya ang pagpapagamot ko pero alam niyang si Shawn ang dahilan kung bakit ako gumaling.
Si Hydee naman ay nakatingin lang sa akin. Sinusuri ang aking reaksyon p
