MAKARAAN ang isang oras na pakikipag-agrumento at panunuyo ni Michael sa nobya. Lumambot din ang puso nito sa kanya. Sinabihan pa siya ni Cristina na huwag ng ulitin ang ginawa. Paano kung natakot siya o kaya tinotoo ng lalaking pinagpanggap niya na gawin ang bagay na ’yon? Kaya lubos-lubos ang paghingi ng sorry ng binata rito at nangakong hindi na uulitin.
Matapos yakapin ng mahigpit ni Michael si Cristina, pinaandar niya ang sasakyan papuntang Makati. Upang mag-celebrate nang birthday ng dalaga.
“Alam mo nagtatampo ako sa ’yo,” saad ni Michael sa dalaga.
Tiningnan ni Cristina ang nobyo. “Bakit, wala naman akong ginawang masama, ah?”
“Nagtatampo ako. Kasi ’yong mga mensahe na pinadala ko sa ’yo, kahit isa wala kang binasa. Hindi mo rin sinasagot ang mga tawag ko,” pahayag ni Micha
