“ATE, aalis ka na agad?” malungkot na tanong ni Harold sa kanyang Ate Cristina. Kasalukuyan silang nasa playground, katatapos lang niyang pakainin ang dalawang kapatid nang binili niyang cake, malapit sa foundation.
Hinagod ni Cristina ang buhok ni Harold. Natutuwa siya kahit papaano malaki ang ipinagbago ng katawan nito. Malaki ang pasasalamat niya sa foundation dahil naalagaan ng maayos ang mga kapatid. Napasulyap rin siya kay Janna na hanggang ngayon hindi pa rin tinatantanan ang kanyang cellphone. Kahit makailang beses tumunog ’yon, hindi pinansin ng kapatid. Patuloy lang ito sa paglalaro ng games na ina-upload ni Britney sa kanyang cellphone.
“Ate, bili mo rin ako ng cellphone, ganito sa ’yo.” Iniabot ni Janna ang cellphone kay Cristina. Saka humilig sa balikat ng dalaga, tila nag
