PAGKARATING ni Cristina sa terminal ng Laguna. Naisipan niyang bilhan ng pasalubong ang dalawa niyang kapatid at ang ibang bata sa foundation. Pagkababa niya ng bus, napatingin ang dalaga sa mga kubol na nakahelira sa gilid ng terminal. Dala ng kuryusidad nilapitan niya ito, napa-wow ang dalaga nang makitang tiangge-han pala ’yon. Agad siyang pumasok sa isang kubol na ang paninida ay mga damit pangbata. Nang makita niyang mura lang at magaganda ang mga paninida ro’n, hindi na nag-aksaya ng oras ang dalaga. Namili siya ng mga damit at laruan para sa mga kapatid.
“Ate, wala na po bang tawad ’to?” tanong ni Cristina sa tindera. Ipinakita niya ang isang ternuhan na jersey ng sikat na basketball players.
“Teka lang miss, ipapakita ko sa amo ko.” Kinuha ng tindera ang jersey sa kamay ni Cris
