SAKAY ng puting Honda Civic sina Michael at Steven. Para puntahan ang bahay ni Virginia sa Cavite. Kagabi kasi nakatanggap ng tawag mula sa source ang amo nilang si Bryan Mondragon. Na natagpuan na ng mga ito ang bahay ni Virginia—ang babaeng matagal ng hinahanap ng kanilang amo.
Pagdating nila ng Cavite binuksan ni Steven ang Google map sa kanyang cellphone. Upang matukoy kung saan talaga ang tamang address ng bahay ni Virginia. Dahil pareho lang silang walang alam sa lugar na ’yon.
“Pare, iliko mo riyan,” sabi ni Steven kay Michael. Nang matanaw niya mula sa sasakyan ang SM Bacoor.
Iniliko ni Michael ang sasakyan pagdating sa crossing. Tiningnan niya ang paligid mula sa bintana ng sasakyan.
“Dasmariñas, Cavite.” Narinig ni Steven na basa ni Michael. Na nakapaskil sa harapan ng isa
