PAGKARATING ni Cristina sa kanilang bahay nagtaka siya nang hindi datnan ang dalawang kapatid ro’n. Tiningnan niya ang oras sa relong suot. Napailing siya nang makitang alas siyete na ng gabi. Saan naman kaya nagsuot ang dalawang ’yon? Aniya sa sarili. Kaninang umaga bago siya umalis nagbilin pa siya kay Janna na huwag magpaabot ng dilim sa paglalaro. Sapagkat alam niyang mahilig maglaro ang dalawa sa kanilang kapitbahay o kaya sa kalsada malapit sa tindahan ni Aling Betty. Dahil halos nandoon nakatambay ang mga bata kapag walang pasok sa school. Gawa ng mayroong video games do’n na hinuhulogan ng piso para makapaglaro.
Bitbit ang dalawang plastic bag na pinamili niya para pasalubong sa dalawa. Inilapag niya ’yon sa lamesa kasama ang sling bag niya at dali-daling tinungo ang pintuan pala
