"ANO'NG kaso mo, Ineng?" tanong sa akin ng may-edad na babaeng nadatnan ko sa selda. Nakaupo ito sa kabilang gilid at nakaharap sa akin. Sa kaliwa ko naman ay naroon ang dalawa pang babae na kanina pa tingin nang tingin at pagkatapos ay magbubulungan.
"Napagbintangan lang po ako..." sagot ko sa tanong ng matandang babae.
Isang malutong na halakhak ang umagaw sa pansin ko. Nilingon ko ang tumawa.
"Lumang istorya na 'yan, sis. H'wag kami!"
Matiim kong tiningnan ang babae at saka tumayo. "Hindi ako gumagawa ng istorya. Totoo ang sinasabi ko. Napagbintangan lang ako dahil ako ang naro'n sa lugar. Hindi ako mamamatay tao. Hindi ako kriminal. Hindi ako dapat nandito!"
"O siya, kalma!" nakakalokong sabi ng babae bago sila nagtawanan ng kasama. "Hindi mo naman kami kaaway, sis. Pare-pareho
