EUNRI's POV
NAPAKUNOT ang noo ko nang makaramdam ako ng buga ng hininga sa mukha ko. Dahan-dahan kong iminulat ang aking mga mata. Napabalikwas na lang ako nang mapagtanto kong nakayakap pala kami ni Yuji sa isa't isa.
Sa kagustuhan kong maka-alis sa tabi niya, mahinahon kong hinawakan ang kamay nitong nakayakap sa baywang ko. Aalisin ko na sana iyon kaso mas humigpit ang pagkakayakap nito sa akin.
"Bwisit!" inis na sambit ko.
Napahawak ako sa ulo ko. Tatayo na sana ako kaso nakaramdam ako ng pagkahilo. Wala akong nagawa kundi bumalik sa pagkakahiga ko.
"Masakit ba ulo mo?"
Nagulat ako sa pabigla-biglang pagsasalita ni Yuji.
Inirapan ko ito ng tingin. "Obvious ba?" Bahagya kong ipinilig ang ulo ko sa kaliwa.
"Kung hindi ka ba naman tanga para inumin 'yong Absinthe, eh, mas malaka
