HINDI maalis 'yong tingin ko sa birth certificate na napulot ko sa bodega kanina. Nagtataka pa rin ako kung kanino 'yon.
Kasalukuyan akong nag-aayos ng higaan ko. Sina Yllana, mama at Yuji naman ay nasa kusina, kumakain ng hapunan. Hindi na 'ko nakisalo sa kanila dahil busog pa naman ako. Nasobrahan ko yata 'yong kinain kong cupcake na meryenda kanina.
Umupo ako sa kama at kinuha 'yong birth certificate na 'yon. Nakakunoot-noong binasa ko ang mga nilalaman niyon. Hindi ko gaanong maintindihan dahil malabo na ito. May mga parte ng papel na hindi ko na rin mabasa. Kung ordinaryo o peke man ang birth certificate na 'to, bakit hanggang sa paglipat namin ng bahay ay narito pa 'to.
Napakagat ako sa kuko ko.
Nagdadalawang isip ako kung dapat ko bang tanungin si mama tungkol dito.
BUMABA a
