"ISUBO mo na kasi!" naiiritang sambit ko kay Eunri.
Kasalukuyan ko siyang sinusubuan ng lugaw ngayon dito sa apartment. Ito namang bwisit na babaeng 'to ay hindi pa makisama. Tinotoyo na naman ba siya? Parang kanina lang ang amo-amo pa ng mukha niya, ah.
"Ayoko nga kasi! Mukha ba 'kong nilalagnat para pakainin mo ng lugaw?! Saksak lang tinamo ko, ah!"
Hinatak ko nga 'yong buhok niya. "Arraayy!"
"Anong mas malala? Lagnat o saksak? Hindi ka yata nag-aaral, eh. 'Yan ba 'yong napapala mo sa pagiging fine arts student mo?"
"Wala kang paki sa course ko!" Sinungitan niya ako't humalukipkip sa kinauupuan niya.
"Alam mo, mababa ang industriya ng photography sa Pilipinas. Kung gusto mong kumita ng malaking pera, maghanap ka ng trabahong makatutulong sa'yo. 'Yong yayaman ka... 'yong ikauun
