Kahit na hilam ng luha ang mga mata ay kitang-kita ko ang pamilyar na bulto ni Sebastian na nakatayo sa tapat nang nasirang pinto. Mabilis na inilibot niya ang paningin sa loob at nang makita ako ay halos dalawahin niya ang hakbang para makadulog sa akin.
“Sebastian!” Nabalot nang malakas na tili ang buong restroom nang marahas niyang hinablot ang kuwelyong suot ni Randy para hilahin palayo sa akin, na noon ay bahagyang nagulat pa sa bagong dating.
Walang kahirap-hirap na nagawa ni Sebastian iyon na akala mo ay papel lang ang lalake, samantalang ako kanina ay hindi ko man lang magawang makaalis at maitulak palayo si Randy. Kasabay nang paghila niya kay Randy ay ang pagtama rin ng kamao niya sa mukha nito.
Halos lumuwa ang aking mata dahil doon. Hirap na hirap na napausog na lang ako p
