“What’s the matter?” saad ng bagong dating sa maarteng ingles.
Hindi ko namalayan na nagtagal pala ang paninitig ko sa kanya, kaya naman agad akong humingi ng paumanhin at iniiwas na rin ang tingin.
“I’m sorry…” mahinang wika ko bago ipinagpatuloy ang ginagawa.
Damn! Nakakahiya ka, Hyacinth!
Kasama ko ngayon sa iisang kuwarto ang babaeng kasama ni Sebastian. Hindi ko aakalain na sa dami ng pagkakataon ay talagang nagsabay pa kami.
Ngayon ay pareho na kaming nakatapat sa salamin. Habang nagpupunas ako ng mukha gamit ang tissue ay hindi ko maiwasang hindi mapasulyap sa kanya. Ngayong malapitan ko siyang nakikita ay mas lalo kong napansin kung gaano siya kaganda.
Maliit lang ang kanyang mukha at maganda ang pagkakadepina ng kanyang panga. Matangos ang kanyang ilong na bumabagay sa m
