“Ay pak! Iba talaga ang beauty mo, mars! How I wish I am as beautiful as you!” Halos marindi ako sa matinis at malakas na boses ni Jerico.
Nandito kaming dalawa sa kuwarto ko at naghahanda para sa pagpunta namin sa Full House Bar. Pareho na kaming bihis na dalawa pero hindi pa rin kami umaalis dahil hindi matigil itong kasama ko. Kanina pa niyang chini-check ang itsura ko pati na rin ang suot ko. Kanina pa rin ako nabibingi sa lakas ng boses niya. Mabuti ba sana kung ang gandang pakinggan, kaya lang ay parang iniipit ‘yong tingg—mali! Nakalimutan kong wala siya no’n. Para siyang sirang plaka na kanina pang paulit-ulit.
“Lower your voice, Jerico. Magkatabi lang tayo. My gosh!” Saway ko sa kanya.
Nag-e-echo kasi ang boses niya rito sa loob ng kuwarto, pero sa halip na sundin ako ay hum
