SHY’s POV
Kinaumagahan ay maaga akong nagising para tulungan si manang na mag handa ng almusal. At saka, ang totoo ay inaabangan ko rin si Hanz na lumabas ng kwarto niya para makibalita kung ano na ang desisyon niya. Kung tutulungan niya ba ako o hindi?
Ang sabi kasi sa akin ni manang ay hindi pa raw umaalis si Hanz para pumunta sa opisina nito dahil nakita pa niya ang kotse nito sa may labas ng bahay nu'ng nag dilig siya ng mga halaman, ang ibig lang sabihin noon ay nandito pa siya sa bahay niya.
Kasalukuyan na nag lalagay ako ng mga pinggan at mga baso sa lamesa habang pa simple kong sinisilip ang hagdanan para makita kung pababa na ba si Hanz. Hindi naman nag tagal ay narinig ko na ang mga yabag ng paa niya.
Dahil doon kaya naman umayos na ako mula sa pagkakatayo ko at nag panggap
