“ANO ang ginagawa mo rito?”
Muntik nang mapangisi si Anne nang makita niya kung paano nanlaki ang mga mata ni Crisostomo nang madatnan siya nito na nakahiga sa duyan na nasa labas ng kubo nito. Dito siya inihatid ng babaeng empleyado na nag-guide sa kaniya kanina matapos niyang laitin lahat ng hotel room na pinagdalhan sa kaniya. Bandang huli, hindi na siya nakatiis na sabihing ihatid na lang siya sa bahay ng general manager ng farm na iyon. Dahil kung hindi, magrereklamo siya. Sa takot sa kaniya kaya pumayag na rin ang babae.
Nagpaaalam ito sandali na puntahan sa opisina si Crisostomo para ipaalam ang presensiya niya. Habang naghihintay, pumuwesto muna sa duyan si Anne para mag-relax. Sarado pa kasi ang kubo.
Parang walang ano man na tinapunan niya ng tingin ang binata na salubong na n
