“MA’AM, sorry po. Pero decline din itong pangatlong card n’yo,” parang nakukulitan nang wika ng cashier sa restaurant na pinasukan ni Anne. Ganoon din kasi ang nangyari sa naunang dalawang credit card na ibinigay niya rito. Pati ang mga ATM card niya ay wala rin daw laman.
Nakakahiya dahil ang dami pa naman ng in-order niya. Pero kahit gutom na gutom na, babayaran sana agad ni Anne ang mga iyon bago kumain para lang ipamukha sa lahat na hindi niya kailangang manlimos ng trabaho sa farm na iyon para makakain siya nang marami at masarap.
“Try it again. Baka sira lang iyang swiping machine n’yo,” reklamo ng dalaga. Unti-unti na siyang napapahiya dahil nakaagaw na sila ng atensiyon sa iba pang kumakain doon. Pero ang hindi niya gusto ay ang pagtitinginan at pagbulong-bulungan ng mga empleyad
