“HANGGANG ngayon, hindi pa rin ako makapaniwala na may orphanage dito sa loob ng farm. Parang ngayon lang ako nakarinig nang ganito,” komento ni Anne nang balingan niya si Crisostomo habang nakatingin sa mga bata na masayang naglalaro sa bakuran. Nasa terrace naman sila at magkatabing nakatayo. “Sino ang nag-i-sponsor sa kanila?”
“Ang may-ari nitong farm. Siya talaga ang may gusto na kumupkop ng mga ulilang bata at dito ilagay sa loob ng farm,” sagot ng binata bago tumingin sa kaniya. “Para fresh daw ang environment ng mga bata kaysa sa mga siyudad na masiyado nang polluted.”
Nag-iwas ng tingin si Anne at muling ibinalik ang tingin sa mga bata. “So, totoo nga pala talaga ang sabi ng mga empleyado na mabait ang may-ari nitong farm?”
Hindi sumagot si Crisostomo. Sa halip ay ibinalik lang
