"المنقذ" الجزء السابع

1143 Words

امير بيزعق فيهم : اسكتوا انتوا الاتنين .. انا هتجنن انا عايز اعرف ايه اللي بيحصل هنا !! كمال بيقدم له القميص ب ايديه : البس ده و هنشوف ايه اللي هيحصل امير : ايه اللي هيحصل ! هختفي مثلا ؟! كمال : ابوك اتقتل بسبب القميص ده .. تفتكر ايه السبب يعني لو ده حاجة عادية و تافهة ايه اللي هيخلي الست اللي جاتلك الصبح تعرض عليكوا مبلغ كبير زي ما عرضت و ايه اللي يوصل الموضوع ل قتل ابوك .. كل ده له أسباب و اسرار كتييير جدا مش هتعرفها غير لما تهدى و تسمع كلامنا و تفهمه .. البسه يا امير ياللا امير قلع هدومه ب عصبية و نتش القميص من ايديه و لبسه و قعد يلف بيه يمين و شمال و كمال و زينب بيتف*جوا عليه و عينيهم كلها نظرات انبهار لكن هو كان مستهزأ بيه و بيهم و بيقول لهم امير : ها .. اديني لبسته اهو ايه اللي اتغير بقى بقيت واحد تاني غير امير كمال ب هدوء : لا انت بقيت المنقذ و المانع للخالد و ساعتها القميص بدأ يتحرك و يتهز ب طريقة غريبة جدا على جسم امير و هو بقى بيبص له و هو مش فاهم ايه ده ولا ايه اللي بيحصل لكن القميص اتشد فجأة و بدأ يختفي تدريجيا و كأنه بيتسحب ل جوا جسمه لغاية ما اختفى خالص و مبقاش فيه على جسم امير غير وشم كبير على ص*ره كان فيه كل الرموز و الكلمات اللي كانت مكتوبة على القميص و وسط نظرات الذهول المتبادلة بين التلاتة مدت زينب ايديها ورا ضهرها و خرجت مسدس و وجهته ناحية جبهته و امير كان واقف مبحلق لها و للمسدس اللي في ايديها و فاكر أنه خلاص كده و أن دي نهايته و أنه هيتقتل هو كمان لسبب مجهول هو مش عارفه و فعلا زينب داست على الزيناد و خرجت الرصاصة عشان تض*ب جبهته لكن متخترقهاش و ساعتها امير وقع على ضهره و هنا زينب ابتسمت و قربت هي و كمال ناحيته و نزل كمال على الأرض و اخد الرصاصة اللي اتحولت ل حاجة معدن صغيرة و اتشكلت على هيئة كورة صغيرة جدا .. بص لها كمال ب نظرة كده شبيهة ب نظرة الانتصار و بص ل امير ب ابتسامة و هو بيقول له .. "دلوقتي تقدر تسأل اي سؤال" "سريعا بعد ما قام "محمد الفاتح" ب غزو القسطنطينية .. أدرك أنه لديه أعداء في المدينة ، خالدين كرسوا أنفسهم ل تدمير البلد و العالم اجمعه .. لم يعرف احد الزمان أو المكان الذي أتوا منه ، و لكن كل المجاعات و الفيضانات و الزلازل أُرجعت لهم .. و ذات ليلة حلم "محمد" حلماً عرف منه طريقة التعرف و طريقة قتل الخالدين الذين كانوا يشبهوننا .. شاهد محمد ثلاث اشياء في حلمه ، الأول هو خاتم الفضيلة الذي يضيء عند لمس أحد الخالدين .. الشيء الثاني خنجر فريد يمكن أن يقتل الخالد .. و الثالث قميص يقوم ب مهمة الدرع في هذه الحرب المميتة ، القميص المحمي ب الصلوات المقدسة ، لا يزال يمتلك رموزا تظل غامضة حتى اليوم .. كل ما نعرفه هو وجود اتصال خاص بين القميص و "المنقذ" .. "المنقذ" هو الرجل الذي اختاره "محمد" بسبب مهاراته و قوته و نقاء قلبه .. امير .. انت اخر "منقذ" امير كان ساعتها حاسس ب برد شديد و متغطي ب بطانية تقيلة و ماسك في ايديه جردل و عمال يرجع و يجيب كل اللي في بطنه فيه و كمال قال له كمال : لبسك له للمرة الأولى أتسبب في ارتباك توازنك البدني و الذهني .. هتتعود عليه ده مبيحصلش غير في اول مرة بس امير بعد ما جاب كل اللي معدته ساب الجردل و مسك البطانية و بقى يلف نفسه بيها من الساقعة و جسمه عمال يجيب في مية بدأ يتمالك نفسه شوية و سأل كمال امير : خلاص كده المشكلة انتهت يعني زينب دخلت عليهم : في الواقع هي بدأت .. "حدفت له شنطة في ايديها" .. أمسك دي فيها لبس و حاجات ليك امير : انا لازم أخرج من هنا لازم ادور على شادي صاحبي كمال : هنساعدك انك تلاقيه .. اسمع يابني فيه شخص غريب مازال بيسعى و بيعمل أقصى جهده عشان يوصل للقميص ده و ممكن الشخص ده يكون هو الخال د نفسه و ممكن يكون حد من رجالته و ممكن يكون حد من الانتهازيين و مش ممكن نسمحلك ب الخروج من هنا امير بيرتعش من البرد : يعني ايه .. هتفضلوا حبسني هنا ب القوة ؟! زينب : للاسف اه .. الخالد ممكن يوصل لك في اي وقت و كمان ممكن يكون وصل لحد بيتك امير ب عياط : خالد و منقذ كل ده تهريج زينب : امير .. انت كل ده لسه مصدقتش ؟! انت مشوفتش الطريقة اللي القميص اثر بيها عليك .. انا ض*بتك ب النار و الرصاصة ردت من جبينك و برضه لسه مش مصدق امير بيخبي وشه بين كفوفه : مش عارف .. مش ممكن تكونوا خدرتوني أو عطيتوني حاجة لما فقدت وعيي زينب بتضحك على كلامه : على ما اظن ان المرة دي هض*به ب النار بجد من غير القميص كمال : زينب .. كفاية كده امير : طيب و ابويا ؟! كمال : مش عايزك تقلق .. هيتدفن في المكان اللي يستاهله امير ب دموع و هو بيقرقض في ضوافره من التوتر اللي هو فيه : طيب ممكن تسيبوني معاه لوحدنا شوية ؟ كمال : اكيد طبعا و خرج كمال و زينب و سابوه لوحده مع زهدي عشان يودعه عند شادي اللي كان خلاص خلص من كتر الض*ب و اللي بيتعمل فيه ماهر شده من شعره و هو بيقول له ماهر : بسألك ل اخر مرة مين دول ؟ شادي مبيردش : .... ماهر بيمسك الكرسي عشان ينزل بيه على دماغ شادي لكن اللي لحقه راجل من رجالته و هو بيقول له .. "وصلنا ل بيته" .. ماهر نزل الكرسي و راح ناحيته و قال له .. " تمام تروحوا و تفتش*ه لكن ده مش معناه انك لما تلاقيني بعمل حاجة انك تقاطعني و رشدي اتصل بيه و قال له أنه لازم يوصل للراجل اللي معاه القميص .. امير ساعتها كان دخل على زهدي اللي كانوا مغطيين وشه ب الملاية و بدأ يشيلها من عليه بالراحة و بخوف لكن مقدرش يشوفه و على طول رجع الملاية تاني مكانها و قعد جنبه و بص له و عينيه و نبرة صوته كلهم حسرة و ندم و قال له امير : انت عارف .. انا مكنتش اقصد كل اللي حصل ده ، انا ابنك و انت ابويا احنا دايما كنا كده كنا مع بعض و كنا سند و ضهر ل بعض انا من غيرك اتيتمت بجد انا السنين اللي عشتها في الملجأ كلها محستش في يوم واحد بس فيها اني يتيم يمكن عشان اتولدت و كبرت و وعيت لاقيت نفسي عايش فيه لاقيت ده بيتي و الاطفال اللي فيه هما اخواتي و كل اللي فيه دول عيلتي لكن لما انت خدتني و ربتني و كنت معايا في كل خطوة بمشيها في حياتي انت اللي علمتني كل حاجة اول مرة احس اني طفل فعلا و عندي اب مسؤول عني و بيحميني من اي حاجة في الدنيا كانت معاك انا دلوقتي بجد اقدر اقول اني بقيت يتيم ..

Free reading for new users

Scan code to download app

App Store Google Play

Facebookexpand_more