KINAGABIHAN kumatok sa kuwarto ni Anika si Patrick pagkadating nito galing sa trabaho. Nakangiti at sabik na binuksan niya ang pinto. Gumanti ito ng ngiti. “Hey. Pasensiya ka na naging busy ako sa buong araw. Hindi ka ba nainip mag-isa dito?”
Umiling siya at humakbang paatras para makapasok ito sa loob. Nakita agad nito ang paperbags sa gilid ng kuwarto na hindi pa rin niya ginagalaw. “Saan mo nakuha ang mga ‘yan?” takang tanong nito nang muling bumaling sa kaniya.
“Nagpunta si Trick kanina rito. Isinama niya ako para kumain sa labas at mamili ng isusuot ko raw sa opisina.”
Nanlaki ang mga mata ni Patrick, halatang hindi makapaniwala. “Ginawa niya ‘yon?”
Hindi alam ni Anika kung bakit ganoon ang reaksiyon nito pero tumango s
