Mayamaya pa naglalakad na sila ni Patrick sa loob ng mall. Mabilis ang bawat hakbang niya kaya hindi siya nagkakaroon ng oras para igala ang tingin sa paligid. Halos tumakbo na kasi siya makaagapay lang sa binata. Makalipas ang ilang minutong paglalakad, pumasok sila sa isang tindahan ng mga damit na isang tingin pa lang niya halatang mamahalin na ang mga paninda.
“This is my mother’s favorite boutique. I’m sure they have office attires that will fit you,” sabi ni Trick bago may staff na lumapit sa kanila. Sinabi ng binata kung ano ang kailangan nilang damit para sa kaniya at dinala sila kaagad sa isang parte ng ‘boutique’.
Pinasadahan ng tingin ng binata ang mga naka-hanger na mga damit doon at bawat turo nito, kinukuha agad ng staff hanggang halos hindi
