Napaisip si Kaira sa sinabi sa kanya ni Prinsipe Dronno. Hindi niya maiwasang huwag kiligin kahit anong pigil niya sa sarili. Ang sabihin nitong mas maganda siya kaysa sa prinsesang pakakasalan nito ay malaking bagay para sa kanya. Akalain ba niyang isang prinsipe pa ang nagsabi sa kanya niyon? Hindi pa marunong mambola. Kaya naman ay pangiti-ngiti siya sa sarili at siguro ay loka-loka na siyang tingnan. Kung makatitig kasi sa kanya ang mga tao lalo na sa sinasakyang jeep ay nawewerduhan na sa kanya.
Shit! Ma-fo-fall na yata talaga ako sa kanya kapag lagi niya akong pinupuri nang ganito.
Napabuntong-hininga siya habang napatingin sa nadaanang bangketa at hindi pansin ang presensiya ni Ublli na nag-camouflage sa bar handle ng jeepney.
Nang tumigil ang sasakyan dahil sa may pumara para
