Mga bandang tanghali, patingin-tingin sa paligid si Prinsipe Dronno bago pumasok sa isang mas maliit na silungan kaysa beach house na pinanggalingan nila. Isa iyong bungalow, kongkreto ang dingding at gawa sa yero ang bubong, may nakapalibot na pader at may asul na gate na bakal sa harap. Sa hindi kalayuan niyon ay iba’t ibang porma at laki ang mga silungan din na ilang hakbang lang mula roon.
Mas maingay rito at tila mabigat ang pakiramdam niya dahil sa medyo mausok at hindi malinis na hangin kumpara sa may beach house. Mas marami rin siyang taong nakikita sa paligid at patingin-tingin sa kanila. Lalo na sa kanya at sa kanyang kasuotan. Pero hindi na niya binigyang masyadong pansin ang mga ito. Alam niya naman kasing kakaiba siyang tingnan kaysa normal na mga tao.
“Enjoy your stay with
