Napatingin sa kanya ang nakakunot-noong prinsipe. “Diamond? Ozheq ang tawag namin sa batong ito. Marami ito sa Pleretath pero ang damit ng prinsipe at prinsesa lang ang pinapalamutian nito dahil sa kumikinang ito.”
“Gano’n ba? Puwede bang makahingi ako ng isa? Titingnan ko lang kung talagang totoong diamond nga siya.” Nag-puppy eyes pa siya rito.
Napatitig sa kanya ang prinsipe saka pinakawalan nito ang isang buntong-hininga. Pinunit naman nito ang isang bato at ibinigay sa kanya. At noon pa niya napansin ang isang tila makapal na metal na nakayakap sa isa nitong braso habang tinanggap ang bato mula rito. Parang may kung ano pang flat buttons na nakikita niya sa metal na iyon na may pula, berde at asul na kulay.
“Ano ‘yan?” Itinuro pa niya ang bagay na iyon.
“Ah, sandata ko. Bakit? Wal
