Nakatapis lang ng puting tuwalya si Prinsipe Dronno nang lumabas ng banyo. Mainit din kasi ang klima sa planetang ito, hindi katulad ng sa Pleretath lalo na’t sa banda nila sa Weitthera na palaging may snow at ice.
Napansin niyang tila tulog na ang dalawang babaeng nakahiga sa kama. Nakatalikod si Alice ngunit nakaharap naman sa direksyon niya si Kaira. Napatitig pa siyang sandali sa huli. Naalala pa niya ang pamumula ng mukha nito nang mag-umpisa siyang maghubad kanina ng kanyang kasuotan. Ewan ba niya at tinukso niya ito kanina, isang bagay na hindi naman niya gawain.
Pansin niya ring tumabi na sa kanyang unan ang alagang chamronia at ipinikit na nito ang mata. Umupo na lang siya sa higaang nakaayos na para sa kanya. Totoong hindi pa siya nakatulog sa sahig. Pero hindi na siguro iyon t
