“Bakit walang sumasagot sa sasakyan ni Prinsipe Dronno?” Nagtataka si Prinsesa Shaenatta habang inutusan si Heneral Asnnao na magpadala ng signal sa prinsipe na ayos lang sila at tinatanong kung nasaan na ito ngayon.
Kasalukuyan silang nasa Reiganthu at tinutulungan sila ng kaalyansa. Nasa communication room sila ng defense tower ng planeta. Tila nakapormang isang higanteng bola at nakalutang sa ere ang defense tower nito.
Hanggang ngayon ay hindi pa kumilos ng kakaiba ang taga-Vodrutera pagkatapos masakop nito ang Pleretath. Nalaman ng hari ng Reiganthu na si Prinsipe Dronno pala ang gustong dukutin ng mga Vodruteran pero hindi pa nila alam kung ano ang motibo ng mga ito.
“Hindi ko alam, Prinsesa Shaenatta,” mahinang tugon ni Heneral Asnnao. “Sa tingin ko ay wala namang masamang nangy
