Nakaawang ang mga labi ni Prinsipe Dronno habang nanonood sa holographic video na ipinakita sa kanya ni Ublli sa pamamagitan ng mata nito. Kasalukuyang nasa loob silang dalawa sa kuwarto ni Kaira sa gabing iyon. Pagkatapos ng pag-play ng record kanina sa department store ay napakurap-kurap siya ng mga mata na nalilito.
“A-ano ‘yon? Bakit ang lapit-lapit ng mukha ng lalaking ‘yon sa mukha mo, Ublli? Dumikit ba ‘yon sa ‘yo?” Ang view kasi ng record ay ang parang sa may hawak ng camera. Kaya sa nanonood ay parang ito ang gumagalaw.
Itinuro ng isang kamay nito ang bibig habang nakangisi ito sa kanya. Napakunot pa siya lalo ng kanyang noo. Tumango naman ito at nandilat tuloy ang mga mata niya.
“Talagag? Ano ‘yong naramdaman mo no’n?” tanong niya sa alaga.
Pumikit pa si Ublli. Parang na-frus
