Hindi sila makapagsalita na magkaibigan.
“Asul na buhok, kakaiba ang pagkaputi ng balat, hindi balbon, kakaibang tela at kapal ng roba, kakaibang sapatos, kakaibang awra—alien ka ba?” anitong biglang hinarap ulit si Dronno.
Bago pa sila makapag-deny ay biglang sumulpot ang nakangising si Ublli sa harap ni Disha. Napatili pa ito dahil sa pagkagulat at dahil sa pagkakaiba na rin ng hitsura ng chamronia. Napaatras pa ang guru na lumaking lalo ang mga mata.
“Paano mo nalaman kaagad ‘yon?” tanong ni Ublli kay Disha.
Napatingin si Disha sa kanilang magkaibigan na na-sho-shock. “N-nagbibiro lang sana ako, eh. P-pero t-talaga bang a-alien siya… sila?” Itinuro pa nito ang dalawa, lalo na si Ublli. Abot-abot ang hininga nitong lalong napaatras at namilog ang mga mata.
Isinara pa ni Alice ang pi
