Si Easton ang nagda-drive sa kotse ni Alice at nasa passenger seat sa harap ang babae samantalang sina Prinsipe Dronno at Ublli ay pinagitnaan si Kaira sa backseat. Sa ngayon ay kinopya ni Ublli si Disha kaya naman ay tila panatag ang dalaga na may mapasiksik sa guru kaysa sa prinsipe.
Ang bango-bango nito at bagay na bagay ang suot na kaswal, jeans at T-shirt. Naka-man bun ang mahaba nitong asul na buhok at lalo lang itong gumuwapo sa kabila ng weird na dating ng sandata nitong nasa braso pa rin at ayaw talagang tanggalin.
Parang gusto na niyang mainis dahil kahit wala itong ginagawa at hindi nag-e-effort ay ganoon pa rin—attracted na attracted pa rin siya sa alien na ito. Wala na siyang takas. She couldn’t help it no matter how hard she tried. As fast as his spaceship fell into the se
