Umuungol na nagising si Mia, masakit ang ulo niya. Pinilit niyang kapain sana ito, pero hindi niya maigalaw ang kaniyang mga kamay. Nakatali ang mga ito. Pinilit niyang imulat ang mga mata, kahit parang mas gusto niyang pumikit na lang.
Maingay ang paligid. Nang tuluyan siyang makamulat, inilibot niya ang paningin.
Hindi niya maaninag na maigi ang paligid. Malabo. Wala siyang suot na salamin sa mata. May naaaninag siyang mga hugis ng tao. Pinaliit niya ang mga mata para mas matitigan ang mga ito. Mga naka-hood na tao o aswang ata? Nakatalikod ang mga ito sa kaniya. Nakaharap sa parang may umuusok at kumukulong tubig. Pagtingin niya sa bandang itaas nito, nagitla siya sa nakita!
Hindi man ganoon kalinaw sa kaniya, alam niyang mga kaibigan niya ang mga naroon at nakatali ang apat. Naluha
