Kahit nalilito, mabilis na sumunod si Mia kay Jake. Nakita niyang nahihirapan na ito sa pagbuhat kay Sally pero sabi nga nito, kailangan nilang mabuhay. Kaya hindi nito iniinda kahit pa mahirapan ito.
"Pero Jake, paano mong nalaman? Mabait si Miranda sa atin. Paano niyang magagawa ‘yon?" Hindi pa rin siya makapaniwala kahit pa may mga hinala na rin siya.
Patuloy lang sila sa paglalakad. Puro puno at halaman ang paligid dahil tanging ito lang ang labasan kung sa garden ang daan. Napansin kasi nila na nasa gate pa rin ang mag-ina. Mayamaya pa, nagising si Sally at nagpababa na ito kay Jake. Isinandal naman ito ni Jake sa isang malaking puno. Medyo okay na naman daw ang pakiramdam niya.
"A-anong n-nangyayari? B-bakit tayo na-nasa labas?" mahinang sabi nang nalilitong si Sally. Nilingon ni
